Трамп се закани со војна: „Копнените напади во Венецуела почнуваат многу наскоро!“

Американски воени авиони патролираат близу Венецуела, додека Трамп најавува „целосно затворање“ на воздушниот простор и скорешни копнени напади.

Неименуван американски функционер за „Вашингтон пост“ потврди дека авионите се речиси постојано присутни во меѓународниот простор. Трамп вети засилување на воените акции против трговците со дрога, истакнувајќи дека шверцот се префрла од море на копно и дека американската војска ќе започне копнени операции „многу наскоро“.

Ова доаѓа по обвинувањата на Трамп дека венецуелскиот претседател Николас Мадуро води „криминална империја“ вградена во државниот апарат, која ги корумпирала војската и судовите – тврдења што Мадуро категорично ги негира.