УКРАИНА ВО ОФАНЗИВА: „Ќе ја запреме руската воена машинерија со уништување на инфраструктурата!“

Според изјавите објавени од украинското Министерство за одбрана, целта на Киев е јасна и безмилосна. „Ќе ја сопреме руската воена машина – ќе ја уништиме нивната инфраструктура, флота, логистика, енергетски капацитети и компании што учествуваат во војната против Украина“, потенцираше Хмара.

Уникатна операција и комбиниран напад

Неодамнешниот напад врз Новоросијск беше опишан како единствен и високо координиран. Комбинираниот удар вклучуваше истовремена употреба на ракети, јуришни беспилотни летала и поморски дронови. Хмара нагласи дека Русија не успеала да одговори на оваа синхронизирана употреба на украинските борбени средства, што е директен резултат на зголемената синергија на сите одбранбени сили.

„Зајакнувањето на длабинските напади врз Русија е еден од нашите клучни приоритети. Заедно со Врховниот командант, Генералштабот и производителите на оружје, ќе продолжиме да го зголемуваме овој притисок низ целата руска територија.“

Оштетени четири руски воени бродови

Зад оваа успешна акција застана и претседателот Володимир Зеленски. Тој потврди дека Украина ја нападнала руската поморска база во Краснодарскиот крај со домашни беспилотни летала „Палјаница“ и добро познатите ракети „Нептун“. Во овој масовен напад, дури четири руски воени бродови претрпеле оштетувања од различен степен, задавајќи ѝ сериозен удар на руската флота.